Please, LEAVE this page to load for a few seconds
التنسيق المصري ...بالتفصيل الممل
-----------------------------------------------------------------------------------------------------------------------------------------------------------------------------------------------
Internet Explorer لازم تستخدم
لو مش عندك نزله..أختار 7 أو 8
-----------------------------------------------------------------------------------------------------------------------------------------------------------------------------------------------
1- حتدخل على موقع التنسيق
بعد كده أنزل عند " خدمات تنسيق الشهادات المعادلة " و دوس على " إضغط هنا للدخول إلى الصفحة " ..و استني شوية لأن الموقع بيبقى تقيل
2- الرقم السري
ملحوظة : الخطوة ديه مش موجودة في تنسيق 2015، إبدأ من خطوة 5
دوس على " إضغط هنا لتسجيل بيانات كارت الخدش...." و برضوا استنى لأن الموقع بيبقى تقيل من الضغط عليه
3- سجل بياناتك علشان تاخد الرقم السري
ملحوظة : الخطوة ديه مش موجودة في تنسيق 2015، إبدأ من خطوة 5
أختار " الشهادات الأجنبية " من قائمة الدولة، و بعد كده أختار شهادة الثانوية الإنجليزية
خربش الكارت، و أكتب الرقم بتاعه
أكتب اسمك زي اللى مكتوب في إخطار نجاح الثانوية العامة
الرقم الـتأكيدي..صورة فيها أرقام..أكتب الأرقام منغير مسافات
(مثال : الصورة هنا فيها أرقام 301490 )
بعد كده دوس على " تسجيل " ..و كالعادة الموقع بطئ
4- أكتب رقم الدخول و الرقم السري في ورقة و أحتفظ بيها
ملحوظة : الخطوة ديه مش موجودة في تنسيق 2015، إبدأ من خطوة 5
بعد نجاح مهمة تسجيل الكارت بتاعك..حيطلعلك رقمين..الرقم الأول اسمه رقم دخول الموقع المعروف باسم " رقم الجلوس"، ورقم تاني اسمه الرقم السري
أكتب الرقمين في ورقة..الأرقام ديه مهمة جداً لأنك حتستخدمها في تسجيل رغابتك و تعديلها في المستقبل لو عايز
5- سجل بياناتك الأول قبل الرغبات
أرجع تاني للموقع، و أنزل لـ " تسجيل البيانات الاساسية "..و دوس على " إضغط هنا لتسجيل بياناتك الاساسية "..و طبعاً أصبر على الموقع لأنه بطئ
6- أكتب الأرقام اللى معاك
رقم الجلوس هو رقم الدخول للموقع..مش رقم الجلوس بتاع الإمتحانات
أكتب الأرقام بتاعتك و دوس
Log in
7- لو أرقامك صحيحة حتلاقي صفحة زي ديه
دوس على الخطوة التانية
8- اقرا شروط التسجيل
بعد ما تخلص قرايه الشروط كويس...دوس الخطوة التانية
9- أكتب بياناتك الشخصية
أهم حاجة الدولة المانحة لشهادتك ..يعني الدولة اللى أنت أمتحنت فيها ..طبعاً هنا حتكتب مصر
بعد ما تخلص كتابة بياناتك..دوس على الخطوة التانية
10- أكتب درجاتك
حتختار المادة و بعد كده درجتها و بعد كده تدوس على كلمة إضافة علشان تضيف المادة
ممكن تمسح المادة عادي جداً ..فيه زرار " مسح "حيطلع لما تدوس إضافة
OL ICT = Tech Info
Computer Studies = o.l كمبيوتر
First Language Arabic = FA Arabic
11- حيطلع مجموعك
بعد ما تسجل المواد صح...حيطلعلك المجموع الإعتباري..ده المجموع بتاعك اللى أنت جبته
دوس الخطوة التانية
12- أطبع بياناتك و درجاتك
دوس على " طباعة البيانات " علشان تطبع درجاتك و بياناتك
دوس الخطوة التانية علشان تسجل الكلام ده كله في الموقع
13- سجل رغاباتك
أدخل على تسجيل الرغبات
14- أكتب الأرقام علشان تبدأ التسجيل
رقم الجلوس هو رقم الدخول للموقع ..أكتب الرقم السري و الرقم التأكيدي و دوس على الخطوة التانية
15- أتأكد من بياناتك
حيطلعلك بياناتك اللى أنت دخلتها...أختار الإدارة التعليمية اللى تبع المدرسة بتاعتك
أقرا التعليمات و دوس الخطوة التانية
16- أبدأ باختيار الكليات اللى أنت عايزها
أختار " الإختيار بتخصصات الكليات و المعاهد "....و بعد كده أختار طب أو صديلة أو هندسة أو شوف أنت عايز إيه
بعد ما تختار التخصص..حيطلعلك الكليات..لازم تحط مجموعة (أ) الأول و بعد كده مجموعة (ب) علشان ده التوزيع الجغرافي
مجموعة (ج) ديه مجموعة أنت لك حرية الإختيار فيها
أختار الكليات و دوس إضافة ..و حيطلع زرار المسح أول ما تعمل إضافة
17- و أخيراً أطبع رغاباتك
سجل الرغابات و دوس طباعة الرغبات ..و مبروك
Share this: